وزیر اعلیٰ خیبر پختونخوا کے مشیر اطلاعات و تعلقات عامہ بیرسٹر ڈاکٹر سیف نے بانی پی ٹی آئی عمران خان کی ہدایت پر جماعت اسلامی کے ہیڈکوارٹر منصورہ میں نائب امیر جماعت اسلامی لیاقت بلوچ اور سیکرٹری اطلاعات امیر العظیم سے ملاقات کی!
dailymuhim 
پشاور(روزنامہ مہم) ملاقات میں سینئر سیاستدان محمد علی درانی اور جماعت اسلامی کے دیگر قائدین بھی موجود تھے۔
ملاقات میں قائدین نے ملک کی مجموعی سیاسی صورتحال پر تفصیلی تبادلہ خیال۔اس موقع پر بیرسٹر محمد علی سیف نے پی ٹی آئی قیادت کا جماعت کی قیادت کے لئے خصوصی پیغام بھی پہنچایا۔
بیرسٹر ڈاکٹر سیف نے کہا کہ جماعت اسلامی کی عوامی ریلیف کے لئے جدوجہد کو سراہتے ہیں،عوامی مینڈیٹ چھینے جانے کے حوالے سے جماعت اسلامی کی طرف سے حالیہ بیان پر شکریہ ادا کرتے ہیں۔
انہوں نے کہا کہ عمران خان اور وزیر اعلیٰ علی امین نے جماعت کے قائدین کے لئے نیک تمناؤں کا پیغام دیا ہے۔
بیرسٹر محمد علی سیف نے کہا کہ عمران خان نے قومی سیاسی جماعتوں سے رابطوں اور مشترکہ ایجنڈے کی تیاری کے لئے مشاورت کی ہدایت کی ہے۔
ملاقات میں نائب امیر لیاقت بلوچ نے جماعت کی جانب سے عمران خان اور علی امین گنڈا پور کی طرف سے نیک تمناؤں کے اظہار پر شکریہ ادا کیا۔
نائب امیر جماعت اسلامی نے کہا کہ عوام مہنگائی میں حقیقی کمی چاہتے ہیں،کسی کا وجود مٹانے یا کسی اور کا وجود منوانے سے ملک اور قوم مسائل سے نہیں نکلیں گے،مسائل کا حل دانشمندی سے نکل سکتا ہے۔
بیرسٹر محمد علی سیف نے دہشت گردی کے خلاف اور کرم میں امن کے لئے صوبہ خیبرپختونخوا کی کوششوں کے حوالے سے بھی جماعت کی قیادت کو آگاہ کیا۔
امشیر اطلاعات نے وزیراعلیٰ خیبرپختونخوا علی امین گنڈا پور کی طرف سے مشاورتی اجلاس میں شرکت کا دعوت نامہ بھی جماعت کی قیادت کو پیش کیا۔
قبل ازیں منصورہ آمد پر جماعت کے قائدین نے بیرسٹر محمد علی سیف اور محمد علی درانی کا استقبال کیا!
About The Author
