dailymuhim 
بھارتی کرکٹ ٹیم کے اسٹار بیٹر ویرات کوہلی نے ون ڈے کرکٹ میں ایک اور بڑا ریکارڈ اپنے نام کرلیا۔ویسٹ انڈیز کے خلاف پہلے ون ڈے میں نصف سنچری اسکور کرتے ہی کوہلی 15 ہزار ون ڈے رنز مکمل کرنے والے دنیا کے دوسرے اور تیز ترین بیٹر بن گئے۔
انہوں نے اس میچ میں 9 چھکے اور 10 چوکوں کی مدد سے 139 رنز کی دھواں دھار اننگز کھیلی۔
ویرات کوہلی نے یہ سنگ میل صرف 303 اننگز میں عبور کیا، جبکہ اس سے قبل یہ ریکارڈ بھارت کے سابق عظیم بیٹر سچن ٹنڈولکر کے پاس تھا، جنہوں نے 15 ہزار ون ڈے رنز 377 اننگز میں مکمل کیے تھے۔
دوسری جانب بھارت نے پہلے ون ڈے میں ویسٹ انڈیز کو 8 وکٹوں سے شکست دے کر تین میچز کی سیریز میں0-1 کی برتری حاصل کرلی۔
چیمپئنز ٹرافی:ویرات کوہلی ون ڈے میں سب سے زیادہ کیچز پکڑنے والے بھارتی کھلاڑی بن گئے ویسٹ انڈیز نے پہلے بیٹنگ کرتے ہوئے 7 وکٹوں پر 295 رنز بنائے۔
جسٹن گریوز نے ون ڈے کرکٹ میں پہلی سنچری اسکور کرتے ہوئے 101 رنز کی شاندار اننگز کھیلی، جبکہ جان کیمبل نے 62 رنز بنائے۔
بھارتی اسپنر کلدیپ یادیو نے شاندار بولنگ کرتے ہوئے 40 رنز کے عوض 4 وکٹیں حاصل کیں۔
ویرات کوہلی نے ون ڈے کرکٹ میں تیز ترین 14 ہزار رنز مکمل کرلیےبھارت کو میچ میں جسپریت بمراہ اور ارشدیپ سنگھ کی خدمات حاصل نہیں، جو ایشین گیمز کے لیے جاپان میں موجود ہیں، جبکہ ورون چکرورتی انجری سے صحت یاب ہورہے ہیں۔
اس سے قبل آئی سی سی چیمپئنز ٹرافی 2025 کے پانچویں میچ میں پاکستان کے خلاف بیٹنگ کرتے ہوئے ویرات کوہلی نے ون ڈے انٹرنیشنل میں 14 ہزار رنز مکمل کیے تھے، وہ 287 اننگز میں یہ سنگ میل عبور کرکے تیز ترین 14 ہزار رنز بنانے والے پلیئر بنے تھے۔
بھارتی اسٹار بیٹر ویرات کوہلی 14 ہزار رنز بنانے والے تیسرے بلے باز بنے تھے۔
About The Author
